Aðrar merkingar

Ef persónuhlíf er með öðrum merkingum svo sem stærðarmerkingum, umhverfismerkingum o.þ.h. þá skulu þær merkingar vera þannig að þær valdi ekki misskilningi eða skyggi á CE-merkinguna.

CE-merkingum skulu hins vegar í einstaka tilfellum fylgja frekari merkingar sem sýna sérstök not búnaðarins. Þetta á fyrst og fremst við um hanska og hlífðarfatnað.

 

Í  reglum nr. 501/94 um gerð persónuhlífa er fjallað um upplýsingamerki og önnur auðkenni sem sett eru á persónuhlífar. Þar segir í I. viðauka, gr. 2.12:

 

"Persónuhlífar með eitt eða fleiri auðkenni eða upplýsingamerki sem beinlínis eða óbeinlínis varða hollustu og öryggi. Æskilegt er að auðkenni og upplýsingamerki sem beint eða óbeint varða hollustu og öryggi og sett eru á persónuhlífar af þeim gerðum eða flokkum sem hér um ræðir séu samræmdar skýringarmyndir eða táknmyndir og verða þau að haldast fullkomlega læsileg meðan á öllum fyrirsjáanlegum nýtingartíma stendur. Merkin skulu auk þess vera gerð til hlítar, nákvæmlega og skiljanlega þannig að komið sé í veg fyrir mistúlkun þeirra; orð eða setningar sem þeim kunna að fylgja skulu vera letruð á opinberu máli eða málum þess aðildarríkis þar sem persónuhlíf er notuð. Nú er persónuhlíf, eða íhluti hennar, of smá til að nauðsynleg merking komist þar fyrir að öllu eða einhverju leyti og skulu þá viðeigandi upplýsingar veittar á umbúðum og í notkunarleiðbeiningum framleiðanda."

 

Í staðli EN 340:2003 er fjallað m.a. um auðkenni og upplýsingamerki. Staðallin heitir “Hlífðarfatnaður – Almennar kröfur” og er seldur hjá Staðlaráði Íslands.

 

Í staðlinum segir að mælt sé með því að tölur séu ekki smærri en 2 mm og upplýsingamerki ekki smærri en 10 mm að meðtöldum ramma. Einnig er mælt með því að upplýsingamerkin séu svört á hvítum grunni. Upplýsingamerki sem vara við lífshættu ættu að vera á ytra byrði vörunnar.

Upplýsingamerki	Vara er ætluð sem vörn við vinnu við/með:	Upplýsingamerki	Vara er ætluð sem vörn við vinnu við/með:
	Hreyfanlegum hlutum ISO 7000-2411		Hita og eldi ISO 7000-2417
	Kulda ISO 7000-2412		Skurðum og stungum ISO 7000-2483
	Veðri ISO 7000-2413		Geislavirkni ISO 7000-2484
	Hættulegum efnum ISO 7000-2414		Örverum ISO 7000-2491
	Stöðurafmagni ISO 7000-2415
	Keðjusög ISO 7000-2416

Tafla 2 - Upplýsingamerki sem segja til um ætluð not hlífðarfatnaðarins (sbr. staðall EN 340:2003):

Hlífðarfatnaður (hlífðarbúnaður) fyrir slökkviliðsmenn ISO 7000-2418	Endurskinsfatnaður (endurskinsbúnaður) ISO 7000-2419	Hlífðarfatnaður (hlífðarbúnaður) fyrir vinnu með háþrýstibúnað ISO 7000-2482	Hlífðarfatnaður (hlífðarbúnaður) fyrir vélhjólaökumenn ISO 7000-2618