Vélahermar

Pöntun á tíma fyrir verklegt próf í vélaherma.

Boðið er upp á próftöku á tiltekna flokka vinnuvéla með stöðluðum aðferðum og við öruggar aðstæður

Vinnueftirlitið hefur tekið í notkun herma fyrir vinnuvélar bæði til verklegrar próftöku og til verklegrar þjálfunar stjórnenda vinnuvéla.

Vélaflokkar sem eru í boði í hermunum nú í byrjun eru kranaflokkar A, B og P, jarðvinnuvélar í flokkum E, F og I og lyftarar í flokki J.

Hingað til hafa verkleg próf eingöngu verið framkvæmd við misgóðar aðstæður á vinnustöðum þar sem vélarnar eru í notkun. Í hermunum er hægt að prófa á samræmdan hátt með stöðluðum aðferðum og við öruggar aðstæður.

Vinnuvélahermarnir eru staðsettir í húsakynnum Vinnueftirlitsins að Dvergshöfða 2 Reykjavík á annarri hæð.

Skila þarf inn beiðni um æfingatíma í vélahermi áður en tíminn hefst.