Fréttir

Varúðarmerkingar á lakk- og málningarvörum

9.8.2007

Nokkuð hefur borið á því nú í sumar að efna og hollustuháttadeild berist fyrirspurnir um hvað þær varðúðartölur þýði sem gefnar eru upp á lakki/málningarvörum.
Varúðarmerkingarnar eiga við um lífræn leysiefni sem er að finna í málningunni/lakkinu. Almennir eiginleikar lífrænna leysiefna eru að þau leysa upp önnur efni, t.d. fitu, lím og liti. Þess vegna eru þau notuð sem hreinsiefni og til íblöndunar til að halda ýmsum efnasamböndum í fljótandi ástandi t.d.málningu (ekki í vatnsmálningu). Hættan við lífræna leysa er að margir þeirra gufa hratt upp og menga andrúmsloftið.
Áhrif af lífrænum leysum geta verið umtalsverð. Bráð eituráhrif lífrænna leysiefna koma fram í áhrifum á miðtaugakerfið, ?sniff? áhrif. Þessu fylgir svimi, höfuðverkur, þreyta og ógleði.
 
Varúðartölurnar eru danskt kerfi (varúðarflokkar) sem innlendir málningarframleiðendur nota til ákvörðunar á varúðarmerkingum.
Fyrri talan í þessu kerfi varðar rokgjörn efni (leysiefni) í vörunni. Hún segir til um kröfur til loftræstingar og hvaða persónuhlífar skuli nota við ákveðin skilyrði.
Seinni talan varðar önnur efni og kröfur til persónuhlífa þegar verið er að nota þau við ýmis skilyrði.
Um báðar tölurnar gildir að efnin eru þeim mun varasamari sem tölurnar eru hærri.
Fyrri talan getur haft gildin: 00, 0, 1, 2, 3, 4, 5
Seinni talan getur haft gildin: 0, 1, 2, 3, 4, 5, 6