Fréttir

Málþing um forvarnir og aðgerðir gegn einelti og kynferðislegri áreitni á vinnustöðum

28.11.2007

Málþing um forvarnir og aðgerðir gegn einelti og kynferðislegri áreitni á vinnustöðum verður haldið 5. des. nk. á Grand Hóteli, Gullteig.

Aðgangseyrir er kr. 1500 og er morgunverður innifalinn. Málþingið hefst með skráningu og morgunverði kl. 8:00. Formleg dagskrá hefst kl. 8.30 og stendur til kl. 11.00. 

Markhópar málþingsins eru þjónustuaðilar í vinnuvernd, fulltrúar stjórnsýslu, heilbrigðisstarfsfólk, fulltrúar samtaka á vinnumarkaði, stjórnendur og starfsmenn á vinnustöðum.

Markmið málþingsins er að varpa ljósi á stöðu þessa málaflokks í íslensku samfélagi, ábyrgð og skyldur ólíkra aðila, hvernig auka megi forvarnir á vinnustöðum gegn einelti og kynferðislegri áreitni, gera viðbrögð markvissari og auka þjónustu við þolendur.

Fyrirlesarar og aðrir þátttakendur verða sérfræðingar Vinnueftirlitsins, fulltrúar þjónustuaðila á sviði vinnuverndar, fulltrúar atvinnulífsins og fleiri.

Vinsamlegast tilkynnið þátttöku á málþingið í netfangið gudrun@ver.is.