Fréttir

Ársskýrsla Vinnueftirlitsins 2010 er komin út

20.9.2011

Á árinu 2010 létust þrír starfsmenn við vinnu sína og 1174 vinnuslys voru tilkynnt til Vinnueftirlitsins.
Í inngangi ársskýrslunnar veltir Eyjólfur Sæmundsson forstjóri Vinnueftirlitsins, fyrir sér hvort það sé almennt álitinn óhjákvæmilegur ?fórnarkostnaður? að nokkrir einstaklingar láti lífið á ári hverju og fjölmargir slasist eða verði fyrir heilsutjóni við vinnu sína svo að hjól atvinnulífsins geti snúist og skapað þau verðmæti sem velferð okkar byggir á? Hann bendir síðan á að reynslan sýni að það sé hægt að haga rekstri og framkvæmd vinnu þannig að líkur á slysum og heilsutjóni verða mjög litlar þó svo starfsemin sé talin áhættusöm. Það hafi sýnt sig að fyrirtæki sem virkilega leggja sig fram geti náð svo langt að slysatíðni verði brotabrot af því sem er í öðrum fyrirtækjum í samskonar starfsemi og að það séu mannréttindi hvers vinnandi manns að geta snúið heill heim frá vinnu sinni.

Smellið hér til að skoða ársskýrslu Vinnueftirlitsins 2010.