Fréttir

Vinnuverndarvikan 2010 - Ráðstefna og sýning

2.7.2010

 
Evrópska vinnuverndarvikan 2010, Örugg viðhaldsvinna verður að þessu sinni haldin 25. ? 29. október. Í tilefni þess verður haldin ráðstefna og sýning á Grand Hóteli þann 26. október kl. 13.00 - 16.30.
Markmiðið með vinnuverndarvikunni er að vekja athygli á ákveðnum þáttum í vinnuumhverfinu í þeim tilgangi að gera vinnustaðina heilsusamlegri og öruggari. Á þessu ári beinist kastljósið að öryggi við viðhaldsvinnu.
Á ráðstefnunni sem fram fer í Gullteig A-sal, verða flutt áhugaverð erindi og efni sem fjalla um öryggi við viðhaldsvinnu. Einnig verða veittar viðurkenningar til fyrirtækja sem talin eru standa sig vel á því sviði sem tengist viðhaldsvinnu.
Þegar ráðstefnunni lýkur um kl. 15, verður opnuð sýning í Gullteig B-sal, þar sem fyrirtæki og þjónustuaðilar kynna sín fyrirtæki og þjónustu sem þau bjóða á því sviði sem tengist viðhaldsvinnu. Á sama tíma verður boðið upp á veitingar fyrir gesti ráðstefnunnar. Að þessu sinni verður því boðið upp á ráðstefnu og sýningu/kynningarbása fyrirtækja og þjónustuaðila.
Þið sem hafið áhuga á vinnuvernd og öruggri viðhaldsvinnu skuluð ekki láta þennan atburð fram hjá ykkur fara. Takið strax frá tíma milli 13:00 og 16:30 þann 26. október 2010.
Dagskrá ráðstefnunnar mun verða birt hér á heimasíðu Vinnueftirlitsins eins fljótt og mögulegt er.