Fréttir

Norræn ráðstefna á Grand Hótel, 7. nóvember 2019

16.10.2019

Á ráðstefnunni verður m.a. fjallað um:

  • breytingar á vinnumarkaði sem geta haft áhrif á vinnuumhverfi framtíðarinnar og starfsaðstæður
  • hvernig hægt er að skapa góða vinnustaði sem stuðla að heilsu, öryggi og réttindum starfsfólks
  • skipulegt samstarf þvert á landamæri og innanlands til þess að uppræta félagsleg undirboð og brotastarfsemi

Fullt er á ráðstefnuna en hægt verður að fylgjast með henni í streymi á hér á vefnum frá kl 9:00.

https://www.youtube.com/watch?v=KgKjAUD_0Pk

Á síðustu árum hefur íslenskur og norrænn vinnumarkaður breyst mikið og orðið flóknari. Víða hefur verið mikil eftirspurn eftir vinnuafli sem hefur kallað á nýjar áskoranir á vinnumarkaði vegna mikillar fjölgunar erlendra starfsmanna, skammtímaráðninga og fjölbreyttra ráðningarforma. Jafnframt er aldursamsetning þjóðarinnar að breytast, ungum fækkar og eldri starfsmönnum fjölgar. Erlendir starfsmenn eru síður upplýstir um íslenskt vinnuumhverfi og rétt sinn á vinnumarkaðnum. Slíkt eykur líkur á félagslegum undirboðum, brotastarfsemi og mansali sem er ógn við heilbrigðan vinnumarkað.

Miklu máli skiptir að litið sé til allra þessara þátta þegar skapa á gott vinnuumhverfi sem hæfir öllum og eykur velsæld.

Fyrirlesarar á ráðstefnunni eru norrænir sérfræðingar í vinnuumhverfis-/vinnumarkaðsmálum og opinberum innkaupum sem og innlendir fyrirlesarar frá fyrirtækjum og stofnunum.
Í lok ráðstefnunnar verður pallborð með þátttöku félagsmálaráðherra, aðila vinnumarkaðarins og annarra sérfræðinga.

Banner

Skipuleggjendur ráðstefnunnar eru félagsmálaráðuneytið, Vinnueftirlitið og Vinnumálastofnun í samstarfi við norrænu fræðslustofnunina NIVA. Ráðstefnan fer fram á ensku.
Nánari upplýsingar er að finna á heimasíðu NIVA .

Dagskrá ráðstefnunnar

Markhópar ráðstefnunnar eru:

  • Samtök atvinnurekenda og launafólks 
  • Fyrirtæki og stofnanir
  • Forsvarsmenn opinberra innkaupa
  • Stjórnmálamenn
  • Sérfræðingar í vinnuvernd
  • Eftirlitsaðilar á vinnumarkaði
  • Aðrir sem hafa áhuga á viðfangsefni ráðstefnunnar