Fréttir

Innköllun á gölluðum FFP2 rykgrímum

19.7.2021

Vinnueftirlitinu hefur borist tilkynning frá Rekstrarvörum um innköllun á FFP2 andlitsgrímum, vörunúmer 2020-1XG, sem seldar voru í 2 stykkja pakkningum merktar Rekstrarvörum og í 40 stykkja pakkningum merktar Xianggan. Grímurnar eru innkallaðar þar sem þær stóðust ekki prófanir. Andlitsgrímurnar voru seldar sem CE merktar persónuhlífar af gerðinni FFP2 en samkvæmt niðurstöðu prófunar er síunarhæfni og þéttleiki grímanna ófullnægjandi miðað við þær kröfur sem gerðar eru til persónuhlífa af gerðinni FFP2.


FFP2 grímur eru í flestum tilfellum notaðar til að verja notandann gegn skaðlegum ögnum í andrúmslofti og því teljast gallaðar grímur hættulegar.

Vinnueftirlitið bendir þeim sem eiga slíkar grímur á að hætta notkun þeirra strax og skila þeim til Rekstrarvara.

FFP2_andlitsgrimur

Ytri umbúðir á 40 stk. pakkningu.

Merkingar_FFP2_andlitsgrimum

Merkingar á hverri grímu.