Fréttir

Námskeið í janúar - Heilsueflandi vinnustaður

Heilsueflandi vinnustaður er skemmtilegur - hámarksárangur með réttum aðferðum

1.12.2015

Dagana 14.-15. janúar fer fram skemmtilegt námskeið fyrir hressa mannauðsstjóra, sérfræðinga, stjórnendur og leiðtoga á íslenskum vinnustöðum. Námskeiðið ber yfirskriftina: Heilsueflandi vinnustaður er skemmtilegur - hámarksárangur með réttum aðferðum. Markmiðið með námskeiðinu er að auka þekkingu og færni þeirra sem vilja innleiða árangursríka og skemmtilega heilsueflingu á sínum vinnustað.

Á námskeiðinu verður farið yfir skipulagningu, innleiðingu og eftirfylgni heilsueflingar sem byggir á faglegum og sannreyndum aðferðum. Þátttakendur munu öðlast skilning á hugmyndafræði árangursríkrar heilsueflingar og vægi þeirra þátta sem henni eru lagðir til grundvallar.

Námskeiðið er haldið í samstarfi við Embætti landlæknis og Vinnueftirlitið og fer fram á Grand Hótel í Reykjavík. Innifalið í námskeiðinu eru tveir stútfullir dagar af fræðslu og fyrirlestrum, hollur morgunverður, hádegisverður og góð millimáls næring, verkefnavísar og gögn, ráðleggingar um mataræði, kynning á heilsueflandi leik- og grunnskóla , hláturjóga, vinnustaðavítamín og margt fleira.

Hvenær: 14.-15. janúar
Hvar: Grand Hótel Reykjavík
Skráning: nexis.is
Verð: 49.000 kr.

Fyrirlesarar:

  • Jóhann Friðrik Friðirksson, heilbrigðis-og lýðheilsufræðingur hjá Nexis
  • Ásta Snorradóttir, fagstjóri hjá Vinnueftirlitinu
  • Jenný Ingudóttir, lýðheilsufræðingur hjá Embætti landlæknis
  • Sigríður Lára Guðmundsdóttir, faraldsfræðingur og lektor við Háskóla Íslands
  • Hólmfríður Þorgeirsdóttir, næringarfræðingur hjá Embætti landlæknis
  • Sunneva Jörundsdóttir, lýðheilsufræðingur og hláturjógaleiðbeinandi
  • Þorsteinn Guðmundsson, leikari og grínisti, býður þátttakendum uppá frábæran fyrirlestur í bland við fyrsta flokks vinnustaðavítamín

Allar nánari nánari upplýsingar veitir Jóhann Friðrik Friðriksson, nexis@nexis.is eða í síma 858 5708.