Fréttir

Bann við vinnu hjá H-26 ehf að Hafnarstræti á Akureyri

29.3.2019

Við eftirlitsheimsókn Vinnueftirlitsins hjá fyrirtækinu H-26 ehf. á byggingarvinnustað að Hafnarstræti 26, Akureyri, vegna vinnuslyss, kom í ljós að öryggi starfsmanna var ekki í samræmi við lög og reglur.

Var vinna bönnuð við stigagang á verkstað þar sem lífi og heilbrigði starfsmanna var talin hætta búin vegna skorts á fallvörnum, sbr. 85. gr. laga nr. 46/1980 um aðbúnað, hollustuhætti og öryggi á vinnustöðum.

Bannið gildir þar til búið er að gera úrbætur og Vinnueftirlitið hefur leyft vinnu þar á ný. Þrátt fyrir framangreint bann er heimilt að vinna að úrbótum.

Ákvörðun Vinnueftirlitsins

Uppfært 1. apríl 2019

Vinna hefur verið leyfð á ný eftir að úrbætur voru gerðar á verkstað.