Fréttir

Bann við notkun vinnuvéla hjá Góa-Linda sælgætisgerð ehf

16.7.2018

Við eftirlitsheimsókn Vinnueftirlitsins í Góa-Linda sælgætisgerð ehf. að Garðahrauni 2, Garðabæ, kom í ljós að aðbúnaður, hollustuhættir og öryggi starfsmanna var ekki í samræmi við lög og reglur. Voru starfsmenn að vinna við réttindaskyldar vinnuvélar án vinnuvélaréttinda.

Var öll vinna bönnuð við réttindaskyldar vinnuvélar nema starfsmenn hefði til þess gild vinnuvélaréttindi, sbr. heimild í 85. gr. laga nr. 46/1980 um aðbúnað, hollustuhætti og öryggi á vinnustöðum.

Vinnueftirlitið vill vekja athygli á því að atvinnurekendur bera ábyrgð á því að einungis starfsmenn með fullnægjandi þekkingu og réttindi stjórni vinnuvélum.

Ákvörðun Vinnueftirlitsins .