Líkamsbeiting við vinnu

Góð líkamsbeiting - gulli betri

Um hvað er námskeiðið?

Efni námskeiðsins er fræðsla um líkamsbeitingu við alla vinnu – hvort sem unnið er sitjandi, standandi eða við það að lyfta byrðum.

Farið er yfir álagsþætti og álagseinkenni við mismunandi vinnuaðstæður og m.a.
fjallað um mikilvægi þess að gera stöðuvinnu að hreyfivinnu. Áhrif vinnuumhverfis á líkamsbeitingu er skoðuð og hvernig hagræða þarf vinnuumhverfinu þannig að komist verði hjá álagseinkennum og einhæfum vinnustellingum.

Áhersla er lögð á að kenna góðar setstöður og líkamsbeitingu við standandi vinnu, mikilvægi þess að geta gert hvorutveggja í vinnutímanum og hvernig best er að hagræða vinnu til þess að svo megi verða.
Þá verður rætt um einhæfa álagsvinnu og það að lyfta þungum byrðum. Farið yfir mismunandi aðferðir við að beita sér við þá vinnu og mikilvægi þess að breyta um líkamsstöður og auka hreyfingu í vinnu.

Fyrir hverja?

Námskeiðið er hugsað fyrir alla úti á vinnumarkaði – óháð hvaða störf eru unnin.

Ávinningur:

Þátttakendur fræðast um það sem betur má fara í líkamsbeitingu og vinnuumhverfi.

Uppbygging:

Fyrirlestur, myndir, myndbönd og umræður.

Lengd:

3 tímar.

Verð:

Sjá verðskrá

Skráning á námskeið er á: http://skraning.ver.is/ .