Vinnuverndar- og réttindanámskeið fyrir bændur

Um hvað er námskeiðið?

Námskeiðið veitir bókleg réttindi til að stjórna dráttarvélum í réttindaflokki(I) og lyfturum (J). Námskeiðið er hefðbundið vinnuvélanámskeið en er aðlagað þörfum bænda. Sérstaklega verður fjallað um gerð áætlunar um öryggi og heilbrigði (áhættumat starfa) á vinnustað og gerð æfing í því. Lagðir verða fram gátlistar fyrir bændur til að gera áhættumat. Námskeiðið skiptist í 4 hluta:

1. Hluti, fyrri dagur

  1.  Almenn kynning, lög, reglur og réttindi
  2. Vinnuslys, atvinnusjúkdómar, persónuhlífar og líkamsbeiting
  3. Börn og unglingar, vinna í lokuðu rými
  4. Hávaði og lýsing. Hættuleg efni, notkun og geymsla.
  5. Áhættumat fyrir bændur, gátlistar Vinnueftirlitsins o.fl.

2. Hluti, fyrri dagur

  1. Eðlisfræði
  2. Vökvafræði
  3. Vélfræði
  4. Rafgeymar
  5. Öryggi við skurðgröft

3. Hluti, seinni dagur

Dráttarvélar með tækjabúnaði og dráttartæki, minni gerðir jarðvinnuvéla (<4 t) í réttindaflokki (I)

4. Hluti, seinni dagur

Lyftarar með allt að 10 tonna lyftigetu í réttindaflokki (J)

 

Námskeiðinu lýkur með skriflegu krossaprófi.

Fyrir hverja?

Námskeiðið er búið til fyrir bændur og er aðlagað að þeirra þörfum en allir sem hafa áhuga á að afla sér réttinda og þekkingar eru velkomnir.

Ávinningur

Bókleg réttindi á vinnuvélar í réttindaflokknum I, t.d. dráttarvélar og minni gerðir jarðvinnuvéla (<4 t) og réttindaflokknum J, t.d. liðléttingar. Aukin þekking á vinnuverndarmálum og hvernig á að gera áhættumat starfa.

Hvernig?

Hvert námskeið er  2 x 6 klukkutímar. Kennt á 2 dögum og byggist upp á fyrirlestrum, myndum, myndböndum og hópverkefnum.

Skráning

Skráning og nánari upplýsingar fást hjá endurmenntun@lbhi.is 
Fram komi nafn, kennitala, heimili, sími og heiti námskeiðs eða hafið samband í síma: 433 5000 .