Sprenginámskeið

Námskeiðið er fræðilegt og ætlað þeim sem öðlast vilja réttindi til að fara með sprengiefni og annast sprengivinnu samkvæmt reglugerð nr. 684/1999 um sprengiefni.  Á námskeiðinu er farið í lög og reglugerðir um sprengiefni, geymslu sprengiefna, flutning sprengiefna, myndun hættulegra efna við sprengingar og áhrif þeirra, almenn sprengifræði, jarðfræði, mismunandi gerðir sprengiefna, eyðingu sprengiefna, kveikjur, reiknisaðferðir við sprengingar, hagnýta útreikninga o.fl. 

Námskeiðið, sem haldið er á vorin, er bóklegt og lýkur með skriflegu prófi.  Námskeiðið er eingöngu haldið ef næg þátttaka fæst.

Til að öðlast leyfi lögreglustjóra til að fara með sprengiefni og annast sprengingar þurfa viðkomandi auk þess að sitja þetta bóklega námskeið að taka verklegt próf í meðferð sprengiefna og sprengingavinnu.
Athugið að fjöldi þátttakanda er takmarkaður. Námskeiðið er í fimm daga, samtals 36 tímar auk próftíma á síðasta kennsludegi. 
Upplýsingar um dagsetningar og skráning er á slóðinni: http://skraning.ver.is    Nánari upplýsingar hjá skrifstofu Vinnueftirlitsins Bíldshöfða 16, Reykjavík, s. 550 4600 .