Vinnueftirlitið býður upp á eftirtalin sérnámskeið sem hægt er að aðlaga mismunandi vinnustöðum og ólíkri tegund vinnu. Sérnámskeiðin er ýmist hægt að halda inni á vinnustöðum eða í húsnæði á vegum Vinnueftirlitsins. Námskeiðin standa í 3 til 6 tíma eftir atvikum.

Hægt er að nálgast upplýsingar um sérnámskeið hjá fræðsludeild Vinnueftirlitsins. Verð námskeiðanna fer eftir umfangi og lengd. 

Gerð áhættumats
Námskeiðið er ætlað þeim sem eru að vinna að gerð áhættumats á vinnustað eða hafa áhuga á að bæta við sig þekkingu á því sviði. (4 klst.)

Sálfélagslegt vinnuumhverfi (Einelti, áreitni, samskipti á vinnustað)
Námskeiðið er haldið eftir óskum frá fyrirtækjum og er hugsað fyrir hvers konar hópa s.s. stjórnendur,  öryggistrúnaðarmenn, öryggisverði og félagslega trúnaðarmenn. Einnig upplagt fyrir starfsmannahópa á vinnustöðum til fræðslu og upplýsinga um málaflokkinn. (3 klst.)

Fallvarnir - vinna í hæð (sjá nánar um námskeiðið)

Notkun þrýstibúnaðar - Katla-umhirða (sjá nánar um námskeiðið)

Vinnuslys og slysaskráning (sjá nánar um námskeiðið) 

Vinna í lokuðu rými (sjá nánar um námskeiðið)